భోపాల్‌, ఫిబ్రవరి 11, 2025: మధ్యప్రదేశ్‌లో ఘోర రోడ్డు ప్రమాదం సంభవించింది. జబల్‌పూర్‌ సమీపంలో మంగళవారం ఉదయం హైవేపై ఒక మినీ బస్సు ట్రక్కును ఢీకొట్టింది. ఈ ఘటనలో ఏడుగురు మృతి చెందగా, పలువురికి తీవ్ర గాయాలు అయ్యాయి.
ప్రమాదం జబల్‌పూర్‌లోని సిహోరా ప్రాంతంలో చోటు చేసుకుంది. సమాచారం అందుకున్న వెంటనే పోలీసులు రక్షణ చర్యలు ప్రారంభించి, క్షతగాత్రులను సమీప ఆస్పత్రులకు తరలించారు. అధికారులు తెలిపిన వివరాల ప్రకారం, ఈ భక్తులు మహాకుంభమేళాకు వెళ్ళిపోతున్న సమయంలో తిరుగు ప్రయాణంలో ఈ ప్రమాదం చోటు చేసుకుంది.
ప్రాథమికంగా ఈ భక్తులు ఏపీకి చెందినవారిగా ప్రచారం సాగింది, కానీ పూర్తి వివరణ వచ్చిన తరువాత, వారు హైదరాబాద్ నగరంలోని నాచారం ప్రాంతానికి చెందినవారిగా నిర్ధారణ అయ్యింది. మొత్తం మూడు మినీ బస్సుల్లో ఈ భక్తులు మహాకుంభమేళాకు వెళ్ళారు. ఉదయం తిరుగు ప్రయాణంలో ఒక బస్సు ఈ ఘోర ప్రమాదానికి గురైంది. ప్రమాద సమయంలో ఆ బస్సులో మొత్తం 12 మంది ఉన్నట్లు పోలీసులు తెలిపారు.
