భారతీయ జనతా పార్టీ (బీజేపీ) త్వరలో జరగబోయే రాజ్యసభ ఉపఎన్నికల కోసం ముగ్గురు అభ్యర్థులను అధికారికంగా ప్రకటించింది. ఈ జాబితాలో ఆంధ్రప్రదేశ్ నుంచి బీసీ సంఘం నాయకుడు, వైసీపీ మాజీ రాజ్యసభ సభ్యుడు ఆర్. కృష్ణయ్యకు అవకాశం కల్పించింది. ఇతర అభ్యర్థులుగా హర్యానా నుంచి మహిళా కమిషన్ మాజీ చైర్‌పర్సన్ రేఖా శర్మ, ఒడిశా నుంచి సుజీత్ కుమార్ ఎంపికయ్యారు.
ఆర్. కృష్ణయ్య వైసీపీ రాజ్యసభ సభ్యుడిగా ఇటీవల రాజీనామా చేయగా, బీజేపీ అతనికి తిరిగి రాజ్యసభలో చోటు కల్పించింది. ఆంధ్రప్రదేశ్‌లో బీజేపీ-టీడీపీ కూటమి వ్యూహం ప్రకారం, బీజేపీ ఈ సీటు కోసం ఆర్. కృష్ణయ్యను అభ్యర్థిగా ప్రకటించింది.
