ఏపీ ప్రభుత్వం ఫిబ్రవరి 1న ప్రవేశపెట్టనున్న కేంద్ర బడ్జెట్‌పై భారీ ఆశలు పెట్టుకుంది. ముఖ్యమంత్రి నారా చంద్రబాబు నాయుడు ఇటీవల కేంద్ర ఆర్థిక మంత్రి నిర్మలా సీతారామన్‌ను కలిగి రాష్ట్రానికి అధిక నిధులు కేటాయించాలని అభ్యర్థించారు. ముఖ్యంగా పోలవరం, అమరావతి, కడప (కొప్పర్తి), కర్నూలు (ఓర్వకల్) పరిశ్రమల నగరాల అభివృద్ధికి అధిక నిధులు కోరారు.
పోలవరం ప్రాజెక్టు కోసం కేంద్రం గత ఆర్థిక సంవత్సరంలో రూ. 2,400 కోట్లు మాత్రమే విడుదల చేసింది. ప్రాజెక్టు తొలి దశను 2027 నాటికి పూర్తి చేయడానికి రూ. 12,000 కోట్లు అదనంగా మంజూరు చేయాలని రాష్ట్ర ప్రభుత్వం కోరుతోంది. అమరావతి కోసం ప్రపంచ బ్యాంక్, ADB ద్వారా రూ. 13,500 కోట్లు, అలాగే HUDCO ద్వారా రూ. 11,000 కోట్లు మంజూరయ్యాయి. అయితే, కేంద్రం నుంచి నేరుగా బడ్జెట్‌లో మరిన్ని నిధులు ఇవ్వాలని ప్రభుత్వం కోరుతోంది.
గత ఏడాది కేంద్రం నుండి రూ. 54,000 కోట్లు పొందిన ఏపీ ప్రభుత్వం, ఈసారి రూ. 60,000 కోట్లు ఆశిస్తోంది. YSRCP ప్రభుత్వం రద్దు చేసిన 110 కేంద్ర పథకాలను పునరుద్ధరించడం ద్వారా మరిన్ని నిధులు పొందాలని లక్ష్యంగా పెట్టుకుంది.
