ఆంధ్రప్రదేశ్ ముఖ్యమంత్రి చంద్రబాబు నాయుడు లోకల్ బాడీ ఎన్నికల అర్హతలకు సంబంధించి ఇద్దరు పిల్లల కనీస అర్హతను పెట్టాలని సూచించారు. రాష్ట్ర జనాభా వృద్ధి రేటు తగ్గుతుండటంతో ఈ విధానం అవసరమని ఆయన వ్యాఖ్యానించారు.
నారవారిపల్లెలో జరిగిన సమావేశంలో చంద్రబాబు మాట్లాడుతూ, “మునుపటి తల్లిదండ్రులు నాలుగు లేదా ఐదు పిల్లలను కని పెంచారు. కానీ ఇప్పుడు ఒకరితోనే సరిపెడుతున్నారు. మరికొందరైతే డబుల్ ఇన్‌కమ్, నో కిడ్స్ లైఫిస్టైల్‌ను ఎంచుకుంటున్నారు. అదే తరం కొనసాగితే ఈ రోజు వారు ఉనికిలో ఉండరని” చెప్పారు.
చంద్రబాబు దేశంలో జనాభా వృద్ధిపై ఆందోళన వ్యక్తం చేస్తూ, 2047 నాటికి యువజనశక్తి తగ్గుముఖం పడతుందని హెచ్చరించారు. జనాభా పెంపుకు ప్రోత్సాహకరమైన విధానాలు చేపట్టడం అవసరమని ఆయన పిలుపునిచ్చారు.
కుప్పంలో జనన రేటు 1.5కి పడిపోయిన విషయం ప్రస్తావిస్తూ, దక్షిణ కొరియా, జపాన్ వంటి దేశాల్లో తలెత్తిన సమస్యలను మనం పునరావృతం చేయకూడదని ఆయన హెచ్చరించారు. అందుకే ఈ కొత్త విధానం ద్వారా జనాభా సమస్యను సమర్థవంతంగా ఎదుర్కోవచ్చని అభిప్రాయపడ్డారు.
