ఏపీ ముఖ్యమంత్రి చంద్రబాబునాయుడు, నరేంద్రమోదీ నాయకత్వంలో దేశ రాజధాని ఢిల్లీలో ప్రగతి సాధ్యమవుతుందని అభిప్రాయపడ్డారు. ఆదివారం రాత్రి ఢిల్లీలోని షహదరాలోని డీటీయూ కాలేజీ మైదానంలో నిర్వహించిన బహిరంగ సభలో ఆయన మాట్లాడుతూ, ఢిల్లీ వృద్ధి కోసం మోదీ నేతృత్వం అత్యవసరమని అన్నారు.
చంద్రబాబు తన ప్రసంగంలో, ‘‘దేశ రాజధాని ఢిల్లీ ప్రతి ఒక్కరికీ గర్వంగా ఉండాలి. కానీ ఈ నగరం ఇప్పటి వరకు అభివృద్ధి లేకుండా మురికితో నిండిపోయింది. దేశమంతా స్వచ్ఛభారత వైపు దూసుకుపోతుంటే, ఢిల్లీ మాత్రం మురికికూపంగా మారిపోయింది’’ అని విమర్శించారు.
ఆయన మాట్లాడుతూ, ‘‘ఇప్పటికే దేశం ప్రపంచవ్యాప్తంగా గుర్తింపు పొందింది. అయితే, ఢిల్లీకి మాత్రం ప్రగతి రావడం లేదు. ఇక్కడ స్వచ్ఛమైన నీరు లేకపోవడమే కాక, ఉపాధి కోసం బిహార్‌ వాసులు కూడా ఈ నగరంలో ఇబ్బంది పడుతున్నారు’’ అని వ్యాఖ్యానించారు.
ఢిల్లీ అసెంబ్లీ ఎన్నికల్లో భాజపాకి మద్దతు తెలపడానికే ఈ సభను నిర్వహించామని, ‘‘భాజపా సంక్షేమ కార్యక్రమాలకు పెద్దపీట వేస్తోంది. యమునా నదిని శుద్ధి చేయడానికి నరేంద్రమోదీనే కృషి చేస్తార’’ని ఆయన చెప్పుకొచ్చారు.
ప్రధాని మోదీ 11 ఏళ్లుగా దేశం కోసం శ్రమిస్తున్నారని, ‘‘మోదీ ప్రభుత్వం దేశరాజధాని ఢిల్లీని అభివృద్ధి దిశగా నడిపించేందుకు కావలసిన మార్పులు తీసుకురావాలని చంద్రబాబు పిలుపునిచ్చారు.
చంద్రబాబు ఈ సందర్భంగా, ‘‘తెలుగువారు ఎక్కడున్నా అండగా ఉంటా’’ అని కూడా పేర్కొన్నారు. ‘‘తెలుగుజాతి అగ్రస్థానంలో ఉండాలని కోరుకుంటున్నా’’ అని తెలిపారు.
ఇవాళ్టి నుండి, ‘‘భాజపాకు మద్దతు ఇచ్చి, దేశరాజధాని ఢిల్లీలో ప్రగతి సాధించేందుకు కృషి చేయాలని చంద్రబాబు వ్యాఖ్యానించారు.
