ఆళ్లగడ్డ: ఆళ్లగడ్డ ఎమ్మెల్యే భూమా అఖిలప్రియపై వైయస్సార్ కాంగ్రెస్ పార్టీ (వైసీపీ) మరోసారి తీవ్ర ఆరోపణలు చేసింది. వ్యాపారులను బెదిరిస్తూ భారీగా మాములు వసూలు చేస్తున్నారని పార్టీ నేతలు విమర్శించారు.
సోషల్ మీడియా వేదికగా వైసీపీ చేసిన ఆరోపణల్లో, “ఇంతకుముందు చికెన్ షాపులపై పడి వసూలు చేసిన ఎమ్మెల్యే భూమా అఖిలప్రియ, ఇప్పుడు పొగాకు గోదాములను కూడా వదలడం లేదు. అడుగుకు ₹1.25 చొప్పున కమిషన్ ఇవ్వకపోతే నిల్వ చేయనివ్వమని వ్యాపారులను హెచ్చరిస్తున్నారు,” అని పేర్కొన్నారు.
ఈ ఆరోపణలు ఆళ్లగడ్డలో తీవ్ర చర్చనీయాంశంగా మారాయి. వ్యాపారులు భయాందోళనలకు గురవుతున్నట్లు సమాచారం. అయితే, ఈ ఆరోపణలపై భూమా అఖిలప్రియ ఇంకా స్పందించలేదు.
ఈ వివాదం రాజకీయంగా మరింత వేడెక్కే అవకాశం ఉంది. టిడిపి-వైసీపీ మధ్య ప్రతిష్టంభన కొనసాగుతున్న ఈ సమయంలో, అధికార యంత్రాంగం ఎలా స్పందిస్తుందో చూడాలి.
Also read:
https://deccan24x7.in/telugu/ys-jagan-delimitation-letter-pm-modi-south-india-mp-seats/
