ఆంధ్రప్రదేశ్‌లో 108 వాహనాల సిబ్బంది తమ సమస్యలు పరిష్కరించాలని ప్రభుత్వాన్ని డిమాండ్ చేస్తూ సేవలు నిలిపివేస్తామని ప్రకటించారు. 108 ఒప్పంద ఉద్యోగుల సంఘం రాష్ట్ర అధ్యక్షుడు కిరణ్ కుమార్ తిరుపతి ప్రెస్ క్లబ్‌లో ఈ విషయాన్ని వెల్లడించారు.
“మా సమస్యలపై ఇప్పటికే ప్రభుత్వం దృష్టిని ఆకర్షించేందుకు పలుమార్లు వినతిపత్రాలు సమర్పించాం. కానీ ఇప్పటివరకు సరైన స్పందన లేకపోవడంతో ఈ నిర్ణయం తీసుకోవాల్సి వచ్చింది,” అని కిరణ్ కుమార్ తెలిపారు.
ఈ సమావేశంలో సంఘ నేతలు మహేష్, మునిరాజ్, రాజేష్, సునీల్, కేశవులు, సుధాకర్ తదితరులు పాల్గొన్నారు.
సిబ్బంది సమస్యలు తక్షణమే పరిష్కరించకపోతే నవంబర్ 25నుంచి రాష్ట్రవ్యాప్తంగా సేవలను నిలిపివేస్తామని వారు స్పష్టం చేశారు.
ఈ పరిణామంపై ప్రభుత్వం ఎలా స్పందిస్తుందో చూడాల్సి ఉంది. 108 సేవల నిలిపివేత ప్రజలపై తీవ్ర ప్రభావం చూపే అవకాశం ఉందని ప్రజలు భావిస్తున్నారు.
